2022-mi
juulip aallaqqaataani atuisunut akit
2022-mi
juulip aallaqqaataani atuisunut akit naleqqersuutaat tamakkiisoq ukiup siuliani
ullormi pineqartumut naleqqiullugu 2,2 pct.-imik qaffariarpoq. Inuussutissanut
nioqqutissaqarfik, taassuma ataani neqit nersussuullu immuanit nioqqutissiat
pingaartumik akit ineriartornerannut qaffatsitsipput.
Atuisunut
akit naleqqersuutaat atuisut tamakkiisumik atuinerisa agguaqatigiissinnerannik
uuttuuteqarnera eqqumaffigissallugu pingaartuuvoq. Tabel 1-imi uuttuutit
takukkit. Taamaasilluni nioqqutissaqarfinni ataasiakkaani akit tamakkerlutik
allannguutaat akinut naleqqersuummut tamakkiisumut annertunerusumik
sunniuteqarsinnaanngillat, soorlu atuisut ataasiakkaat aamma akit allanngornerat
allatut misigisinnaangaat, atuisut namminneq qanoq atuisarneri apeqqutaalluni.
Piffissami
1.juuli 2021-miit 1.juuli 2022-mut Danmarkimi Europamilu pisut akerliannik
Kalaallit Nunaanni Ikummatissamut, kallerup inneranut, gassimut kiisalu
kiassarnermut nioqqutissaqarfik 2,7 pct.-inik appariarpoq. Danmarkimut
EU-27-mullu sanilliullugit nioqqutissaqarfinni pineqartuni piffissamilu
pineqartumi akit 44,8 pct.-inik kiisalu 43,1 pct.-inik qaffassimapput
(Najoqqutaq – Eurostat). Tamannalu aamma Kalaallit Nunaanni, Danmarkimut
Europamullu naleqqiullugit, akit qaffannerisa annikinnerunerannut
peqqutaaqataavoq. Piffissamili pineqartumi Inuussutissat 5,1 pct.-inik
qaffariarput, taamaasilluni qallunaat europamiullu inuussutissanut akiisa
qaffakkiartorneri malillugit ingerlallutik.
Taamatuttaaq
eqqumaffigissallugu pingaartuuvoq 1.januaarimiit 1.juulimut akit qanoq
inissisimanerat naleqqersuummi takutinneqarmat, taamatullu piffissap pineqartup
iluani akit qanoq allanngortigisimanerannut takussutissaammat. Saqqummersitamilu
matumani 2022-mi juulip aallaqqaataani akit tunngavigineqarput, taamaasilluni
juulip aallaqqaataannit ulloq saqqummersitsivissaq tikillugu akit allannguutaat
ilaanngillat.
Qaammatit
aqqaneq-marluk ingerlanerini qaffariaatit pct.-inngorneri titartakkami
siullermi takutinneqarput.
Titartagaq
1. Atuisunut akit, qaammatit aqqaneq-marluk ingerlanerini qaffariaatit
pct.-inngorneri, 2018-imi juulimiit 2022-mi juulimut
Najoqqutaq: https://bank.stat.gl/PRNPRISV
Atuisunut
akit ukiup affakkaarlugit ineriartornerat
Atuisunut
akit ukiup affaani kingullermi, piffissami 2022-mi januaarimiit 2022-mi
juulimut 1,8 pct.-inik qaffassimapput. Juuli 2018-imiit juuli 2022-mut
atuisunut akini ukiup affakkaarlugit allannguutit pct.-inngorneri titartagaq
2-mi takutineqarsinnaapput.
Titartagaq
2. Atuisunut akit, ukiup affakkaarlugit allannguutit pct.-inngorneri, 2018-imi
juulimiit 2022-mi juulimut
Najoqqutaq: https://bank.stat.gl/PRNPRISV
Nioqqutissaqarfiit
ataasiaakkaat ineriartornerat
Nioqqutissanut
sullissinernullu allanut nioqquteqarfimmi atuisunut akit ineriartornerat
nioqqutissaqarfinni allani ineriartornerit malillugit pisarpoq.
Ineqarnermut nioqqutissaqarfik piffissami juuli
2021-miit juuli 2022-mut annertunerpaamik appariaateqarluni
allannguuteqarsimavoq. Inuussutissanullu nioqquteqarfimmi qaffariaat
annertunerpaasimalluni.
Titartagaq
3. Piffissami juuli 2021-miit juuli 2022-mut akinut naleqqersuutip
ineriartornera pct.-inngorlugu
Najoqqutaq: https://bank.stat.gl/PRDPRISV
Malugiuk: Nioqqutissat assigiinngitsut atuisunut akinut naleqqersuummut sunniutaat takuneqarsinnaavoq. Akit nikissimanerat aamma qanoq oqimaalutarneqarsimanersut tassunga apeqqutaavoq.